tg-me.com/Renivis_U_Reziman/217
Last Update:
🔰
پاشداچه‌کێن کوردی و دو ئاوایێن وان ئێن جیاواز
د جووره‌یێن مالباتا زمانێن کوردی دا داچه‌کێن بازنه‌یی کو پێکهاتی ژ پێشداچه‌ک و پاشداچه‌کانن، ب هه‌ر دو ئاوایێن «ره، ڤه، ده» و «را، ڤا، دا» تێن بکارئانین و بلێڤکرن و هه‌ر دو ئاوا ژی دورستن.
🔹ب من «را» وه‌ره:
🔹ب من «ره» وه‌ره
🔹د ور «دا» هه‌یه:
🔹د ور «ده» هه‌یه
🔹ئه‌ز ژ پێر «ڤا» ل ڤرم:
🔹ئه‌ز ژ پێر «ڤه» ل ڤرم
ته‌خمینه‌که تام و ده‌قیق تونه‌یه کا کیژان ئاوایی زێده‌تر تێ بکارئانین؛ لێ ل کورمانجیا نها یا هن هه‌رێمان ته‌نێ ئاوایه‌ک تێ بکارئانین. وه‌ک میناک ل هه‌رێما خۆراسانێ* (باکورێ ڕۆژهلاتێ ئیرانێ)، ئاوایێ دویه‌م به‌ربه‌لاڤه. د ناڤا مه‌دیایێن نڤیسکی کو کورمانجیێ ب کار تینن ژی هنه‌کێن وان ئاوایێ یه‌که‌م و هنه‌ک ژی ئاوایێ دویه‌م ب کار تینن. د هنه‌کێن دن دا ژی هه‌ر دو ئاوا تێن دیتن.
هه‌ر وها د کوردیا ناڤین کو وه‌ک سۆرانی تێ بناڤکرن، ژی ئاوایێ دویه‌م تێ بکارئانین: «له هه‌ولێردا»، «له تاراندا». د سۆرانیێ دا پڕی وه‌ختان پاشداچه‌ک ب په‌یڤا به‌ریا خوه دزه‌لقه و پێ ڕا تێ نڤیسین. لێ د کورمانجیێ دا، داچه‌ک وه‌ک هێمانه‌که سه‌ربخوه یه و نه پێشداچه‌ک ب په‌یڤا پشتی خوه دزه‌لقه و نه ژی پاشداچه‌ک ب په‌یڤا به‌ریا خوه.
ژ ئالیێ دن ڤا، پێشداچه‌کێن «ب، ژ، ل، د» ژی د زمانێ ده‌ڤکی ل هن ده‌ڤه‌ران ژ وان ل خۆراسانێ دا ب ئاوایێن جودا تێن بلێڤکرن:
🔹ب: وه/و/په...
🔹ژ: ژه
🔹ل: له
🔹د: ده/یه/وه/ئه/...
گه‌لۆ تو زانی ڕه‌وشا بکارئانینا داچه‌کان د جووره‌یێن دن ئێن مالباتا زمانێن کوردی چاوا یه؟ وه‌ک میناک کرمانجکی ئانکو زازایی، هه‌ورامی، جووره‌یێن خوارین ئێن کوردیێ و هەر وەکی دن؟
*تێبینی: ڕه‌وشا پێشداچه‌ک و پاشداچه‌کان و گوهه‌رتن و شێوازا بلێڤکرنا وان د زمانێ ده‌ڤکی یێ کوردێن خۆراسانێ دا ب ئاوایه‌کی به‌رفره ل پرتووکا «ڕێنڤیس و ڕێزمان» هاتیه شرۆڤه‌کرن
* به‌رات قه‌وی‌ئه‌ندام
Latîniya vê nivîsê
👈 «ڕێنڤیس و ڕێزمان»
© @Renivis_U_Reziman
BY یادگیری کُرمانجی با «ڕێنڤیس و ڕێزمان»
Warning: Undefined variable $i in /var/www/tg-me/post.php on line 283
Share with your friend now:
tg-me.com/Renivis_U_Reziman/217